Është shoqëruar mesditën e sotme nga ambientet e paraburgimit për në Prokurorinë e Posçme gjyqtarja e arrestuar e Krujës Enkelejda Hoxha. Ajo do të merret në pyetje nga prokurori Altin Dumani në lidhje me akuzat e ngritura nga ana e SPAK.

Por, edhe përsa i përket pretendimeve të familjarëve të saj se ajo është ndikuar ka perdona të tretë për dhënien e vendimeve që ajo ka marrë për lirimin e personazheve te njohur të botës se krimit .

Babai i gjyqtares Hoxha tha të shtunën se vajza e tij nuk ka çuar para në banesë, dhe fle në një krevat me dërrasa së bashku me djalin e saj autik, i cili kërkon kujdes të vazhdueshëm.

Ai tha se ata janë në gjendje të vështirë ekonomike, dhe aludoi se e bija mund të jetë detyruar nga persona përmes kërcënimit në marrjen e vendimeve të caktuara.

Pas arrestimit të gjyqtares Enkelejda Hoxha, avokatit Aldo Tabaku, dhe kryesekretares së kësaj gjykate Manuela Mallkuçi, Prokuroria e Posaçme i ka shtrirë hetimet edhe në tjetër pistë.

Hetuesit e SPAK janë duke verifikuar edhe transferimet që janë bërë vitet e fundit të të dënuarve në burgun e Fushë-Krujës.

Gjithashtu burime nga Prokuroria e Posaçme bëjnë me dije për Faxweb.al se hetimet janë shtrirë edhe për transferime që janë bërë në disa burgje të tjera të vendit, nëse ka pasur shkelje apo jo.

Ndërkohë, Inspektoriati i Lartë i Drejtësisë, ka nisur hetim disiplinor për të gjitha lirimet që janë bërë së fundmi.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu