Nëna e Aglaias, e cila humbi jetën në orët e para të Vitit të Ri në rrugën Larisa-Ampelona është tepër e trishtuar dhe kërkon të vërtetën e ngjarjes. Mediat greke raportuan se tragjedia ndodhi teksa ishte në makinë me të dashurin 21-vjeçar, i cili humbi kontrollin e makinës dhe pësoi aksident.

“Kam humbur fëmijën tim në mënyrë të papritur. Një vajzë 19 vjeçare plot ëndrra dhe plane për jetën e saj që dëshironte t’i vinte në dorë. Respektojeni zinë tonë të rëndë. Nuk e duroj dot këtë humbje. Ne do të arrijmë në fund! E vërteta do zbulohet sepse fëmija im ka ndërruar jetë. Avokati që na përfaqëson do të ndërmarrë të gjitha veprimet e nevojshme ligjore”, tha për protothema.gr, Eleni, nëna e vajzës.

Deri më tani, po shqyrtohen dy pista hetimi për përplasjen: Ose shoferi ishte nën ndikimin e alkoolit ose ai u detyrua që për shkak të ndjekjes të tejkalonte limitin e shpejtësisë për të përfunduar më pas i përplasur.

“Ne nuk mund të besojmë se ajo humbi jetën e saj kaq papritur, ne duam të vërtetën,” tha familja në një deklaratë. Në orët e fundit, u raportua se vajza nuk kishte kontakte me nënën e saj, diçka që kategorikisht mohohet pasi ndryshojnë oraret nga Greqia në Gjermani, ku ndodhej familja e saj.

Si ndodhi aksidenti

Vajza 19-vjeçare ishte duke u kthyer me të dashurin e saj në Larissa pasi festuan ndërrimin e viteve. Në orën 5:40 të mëngjesit, për një arsye të paqartë, makina devijoi nga rruga e saj dhe përfundoi në një gardh që shkaktoi humbjen tragjike të vajzës.

Dy automjete të Brigadës së Zjarrfikësve nxituan për të liruar pasagjerët. Operacioni zgjati disa orë, ndërsa një ambulancë e EKAB arriti në vendin e ngjarjes. Shoku 21-vjeçar i 19-vjeçarit Aglaia, i cili po drejtonte makinën, po trajtohet në gjendje kome në spitalin e Larissa.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu