Dy të rinj, përkatësisht 22 dhe 18-vjeç kanë goditur  me thikë në kokë, për motive të dobëta, një të mitur.

Të rinjtë e identifikuar me inicialet E.U 22-vjeç dhe L.U 18-vjeç kanë goditur me thikë në kokë 15-vjeçarin A.I. Si pasojë e goditjes me thikë të miturit i janë shkaktuar plagë të rënda, ndërsa ndodhet në spitalin e Beratit ku po merr ndihmën mjekësore.

Njoftimi i policisë:

Nga specialistët e Seksionit për Krimet në Stacionin e Policisë Poliçan u bë arrestimi në flagrancë i shtetasit E. U., 22 vjeç, si dhe u procedua në gjendje të lirë vëllai i tij, shtetasi L. U., 18 vjeç, të dy banues në Poliçan.

Këta shtetas, në bashkëpunim me njëri-tjetrin, kanë goditur për motive të dobëta, me mjet prerës (thikë), duke i shkaktuar plagë të rënda në kokë shtetasit A. I., 15 vjeç, banues në Poliçan, i cili po merr ndihmën mjekësore në spitalin rajonal Berat.

Materialet i kaluan Prokurorisë së Rrethit Gjyqësor Berat, për veprën penale “Plagosja e rëndë me dashje”, kryer në bashkëpunim.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu