Një vajzë është vrarë ndërsa i dashuri i saj është përdhunuar dhe është tortuar për vdekje, nën mishërimin e asaj që konsiderohet si vrasje nderi. Kjo për shkak se vajza refuzoi të martohej me kushëririn e saj në Turqi.

Vilda Ince 24 vjeçe, u detyrua nga familja e saj që të martohej me kushëriri, me një ceremoni fetare. Mirëpo ajo refuzoi që ta pranonte këtë dhe kështu ia mbathi me të dashurin e saj Osman Celik, 25 vjeç, rreth 2 muaj më parë.

Familja e saj e kërkoi çiftin, por ishte thuajse e pamundur, deri kur ata u shfaqën në virgjilje të Vitit të Ri, në një festë në fshatin Bayramozu, në zonën e Kaman, në qendër të qytetit Kirsehir në Turqi.

Pasi mësuan se vajza e tyre ishte në Kaman, familja e gruas e ftoi çiftin në shtëpinë e tyre duke pretenduar se donin të bënin paqe. Dyshja e pranuan ftesën për të bërë paqe dhe shkuan në shtëpinë e familjes në fshat.

Por kur ata mbërritën, Vilda u dërgua në banjë ku u ther me thikë dhe i dashuri i saj u zhvesh dhe u përdhunua para se të goditej me thikë për vdekje, raportojnë mediat lokale. Pasi u vranë, trupat u dërguan në një gropë jashtë fshatit ku ishin mbuluar me dhe.

Kur familja e Osmanit nuk mundi të kontaktonte me djalin e tyre, ata raportuan situatën në polici.

Zyrtarët më pas arrestuan gjithë familjen Ince për t’i marrë në pyetje dhe pasi u morën në pyetje, anëtarët e familjes pranuan vrasjen dhe i treguan policisë se ku i varrosën trupat e tyre.

Policia tha se pasi morën trupat, ata arrestuan babanë e gruas, vëllain, kushëririn me të cilin ajo ishte detyruar të martohej dhe dy të afërm të tjerë të lidhur me vrasjet.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu